Episodes
Tuesday Feb 25, 2020
Við erum að gera eitthvað rétt
Tuesday Feb 25, 2020
Tuesday Feb 25, 2020
Ísland er fyrirmyndarhagkerfi í úttekt Alþjóða efnahagsráðsins.
Ísland er öruggasta og friðsamasta land heims.
Jafnrétti kynjanna er hvergi meira en á Íslandi.
Á Íslandi eru greidd hæstu meðallaunin.
Í engu ríki OECD rennur stærri hluti af verðmætasköpun efnahagslífsins til launfólks en á Íslandi.
Jöfnuður er meiri á Íslandi en á öðrum Norðurlöndum.
Mér er til efs að nokkur smáþjóð hafi nokkurn tíma alið af sér jafnmarga hæfileikaríka listamenn og Íslendingar, að ekki sé talað um afreksfólk í íþróttum.
Við erum að gera eitthvað rétt.
Thursday Feb 06, 2020
Skattar, efnahagslegt frelsi og jafnræði einstaklinga
Thursday Feb 06, 2020
Thursday Feb 06, 2020
Efnahagslegt frelsi er einn af hornsteinum frjáls samfélags. Einn mikilvægasti þáttur efnahagslegs frelsis er rétturinn til að ráðstafa því sem aflað er. Hið sama á við um réttinn til að ráðstafa eignum án afskipta annarra.
Flest ef ekki öll lýðræðisríki hafa talið nauðsynlegt að innheimta skatta af tekjum einstaklinga. Rökin fyrir tekjuskatti hafa fyrst og síðast verið tvíþætt. Annars vegar sé hinu opinbera nauðsynlegt að afla tekna til að standa undir starfsemi ríkis og sveitarfélaga, og hins vegar eigi að nýta skattkerfið til að jafna lífskjörin – færa fjármuni frá einum til annars.
Monday Feb 03, 2020
„Lifandi" lögskýringar og veikt löggjafarvald
Monday Feb 03, 2020
Monday Feb 03, 2020
Löggjafinn - Alþingi - er fremur veikbyggður gagnvart framkvæmdavaldinu og sumir halda því fram að þingið sé lítið annað en afgreiðslustofnun, þar sem frumvörp ráðherra eru afgreidd á færibandi. Það er ekki aðeins framkvæmdavaldið sem hefur sótt að löggjafanum. Dómstólar hafa gert það með ákveðnum hætti. Hugmyndin um að dómstólar geti tekið sér „lagasetningarvald" er útbreidd í öllum hinum vestræna heimi.