Episodes
Saturday May 29, 2021
Ástríðan, sannfæringin og löngunin
Saturday May 29, 2021
Saturday May 29, 2021
Það er ekki sjálfgefið að taka ákvörðun um að sækjast eftir endurkjöri sem þingmaður. Ástríðan verður að vera fyrir hendi. Í stjórnmálum verður árangurinn lítill án sannfæringar og löngunar til að berjast fyrir framgangi hugmynda. Ástríðan, sannfæringin og löngunin er enn til staðar – og síst minni en áður. Stefnufesta er nauðsynleg en þolinmæði ekki síður því dropinn holar steininn. Baráttan fyrir frelsi einstaklingsins og fullveldi landsins heldur áfram. Í þeirri baráttu vil ég taka fullan þátt. Og þess vegna sækist ég eftir endurkjöri sem þingmaður Sjálfstæðisflokkksins og þess vegna óska ég eftir stuðningi félaga minna í annað sæti í prófkjöri í Suðvesturkjördæmi 10-12 júní næstkomandi.
Thursday May 13, 2021
Samkeppni, einföldun regluverks og skilvirkt eftirlit
Thursday May 13, 2021
Thursday May 13, 2021
Einföldun regluverksins laðar fram samkeppni og auðveldar athafnamönnum að láta til sín taka. Flókið regluverk og frumskógur skatta og gjalda er vörn hinna stóru – draga úr möguleikum framtaksmannsins til að bjóða nýja vöru og þjónustu. Við höfum séð hvernig róttækar breytingar á ýmsum sköttum og gjöldum hafa skilað sér í aukinni samkeppni sem neytendur hafa notið.
En eitt er að einfalda reglur og draga úr skattbyrði. Annað að tryggja skilvirkni í samkeppniseftirliti sem er mikilvæg forsenda þess að ábati samkeppninnar skili sér til neytenda. Breytingar á samkeppnislögum á liðnu ári eru mikilvægt skref í þessa átt, en þó aðeins skref.
Stór hluti íslensk efnahagslífs er hins vegar án samkeppni eða líður fyrir mjög takmarkaða samkeppni. Samkeppnisleysið leiðir til sóunar á mannafli og fjármagni, hærra verðs, lakari þjónustu og verri vöru. Nýsköpun er í böndum og framboð vöru og þjónustu verður einhæfari. Í stað þess að virkja krafta samkeppninnar kemur hið opinbera á hana böndum. Með aðgerðum eða aðgerðaleysi hafa ríkið og sveitarfélög hindrað samkeppni með margvíslegum hætti.